بن - د آلمان فدرالي جمهوریت
بن - د آلمان فدرالي جمهوریت
تثبیت هویت سند
د تثبیت هویت سند ترلاسه کولو لپاره معلومات
د افغانستان اتباعو ته چې په آلمان کې اوسیږي، په ځانګړې توګه هغو کسانو ته چې د نورد راین ویستفالن، راینلند فالز، نیدرزاکسن، هیسن او سارلاند ایالتونو کې دي او د هویت اسناد (لکه تذکره یا د افغانستان پاسپورت) نه لري، خو د آلماني ادارو لپاره د هویت اسنادو ته اړتیا لريکولی شئ د “تثبیت هویت سند” د ترلاسه کولو لپاره دې نمایندګۍ ته مراجعه وکړئ.
مهم معلومات او لارښوونې
- متقاضی باید پخپله قونسلګرۍ ته مراجعه وکړي. د دې سند د طی مراحلو یا صدور امکانات د پوست، آنلاین یا د متقاضي د غیابت په صورت کې نشته.
- د تثبیت هویت سند غوښتنلیکونه د قونسلګرۍ د رسمي کاري ورځو او ساعتونو کې منل کېږي.
اړین اسناد
د تثبیت هویت سند لپاره د غوښتنې لپاره لاندې اسناد اړین
- د یو نږدې خپلوان (اصولي اقاربو) د تذکرې کاپي: متقاضي باید د خپل نږدې خپلوان لکه پلار، ورور، نیکه، کاکا یا د کاکا زوی (د پلار له لوري) د تذکرې کاپي وسپاري.
- د آلمان د اقامې سند: متقاضی باید د خپل پیژندپانې (Personalausweis) کاپي [نمونه] (دواړه مخونه – چې پکې د کارت څښتن نوم او پته ښکاره وي) وسپاري.
- د ملاتړ اسناد: هغه اسناد چې د افغانستان د حکومت له لوري د آلمان ته د راتګ دمخه صادر شوي وي؛ لکه: دیپلومونه، د رأی ورکولو کارتونه، د نظامي خدمت کارتونه، او داسې نور.
- د پاسپورټ-سایز دوه قطعه انځورونه: متقاضي باید دوه نوې پاسپورټي انځورونه، د سپین شالید سره وسپاري. انځورونه [نمونه]
- پرلیکه د غوښتنلیک ډکول: آنلاین فورمه ترلاسه او ډکه کړئ. د تاییدۍ نمبر له ځان سره تیار وساتئ. د غوښتنلیک فورمه له دې ځایه څخه ترلاسه کړئ.
د سند صادرول
دغه سند به د لاندې مرحلو تر بشپړېدو وروسته په هماغه ورځ جاري شي:
حضوري مرکه: متقاضي مکلف دی چې د قونسلګرۍ حضوري مرکې ته حاضر شي. هلته د اسنادو او غوښتنې پر اساس د متقاضي هویت کره ارزول کېږي.
لګښت: د سند تثبیت هویت فیس ۷۰ یورو دی. د بانکي کارت له لارې د پیسو تادیه شونې ده، خو باید یاد ولرئ چې کرېډېټ کارتونه د منلو وړ نه دي.
په هماغه ورځ صدور: کله چې ټول شرایط پوره شي، سند به هماغه ورځ د رسمي کاري ساعتونو په ترڅ کې صادر شي.
مهم ټکي
- د اسنادو چمتووالی: ډاډ ترلاسه کړئ چې ټول اړین اسناد مو له ځان سره راوړئ، تر څو د پروسې د ځنډ مخه ونیول شي. نیمګړي غوښتنلیکونه نه منل کېږي.
- د ملي هویت سند بدیل نه دی: د تثبیت هویت سند د افغانستان د تذکرې یا پاسپورت بدیل نه بلل کېږي. دا سند یوازې د متقاضي د هویت د ثابتولو لپاره صادریږي.
- که تذکره لرئ، اړتیا نشته: هغه افغان اتباع چې دمګړۍ بااعتباره تذکره لري، د دغه سند د اخستلو اړتیا نه لري.
- د آلمانیو ادارو ملاتړ: دا سند په ځانګړې توګه د دې لپاره طرحه شوی چې د افغان اتباعو سره د آلماني مقاماتو د قانوني یا اداري غوښتنو د بشپړولو په برخه کې مرسته وکړي.