د جرمي مسؤلیت د نشتوالي سند د غوښتنې لپاره لاندې اسناد اړین دي:

• غوښتنلیک: غوښتونکي باید قونسلګرۍ ته یو رسمي غوښتنلیک ولیکي. په دې لیک کې باید د غوښتنې ډول روښانه وښودل شي او بشپړ نوم، د پلار نوم، د زیږون نیټه او ځای، اوسني پته او د اعتبار وړ تماس شمېره پکې شامل وي.
• د غوښتنې فورمه: غوښتونکي باید فورمه په انګلیسي او دري/پښتو ژبو ډکه کړي.
• د تذکرې یا افغان پاسپورټ کاپي: غوښتونکی باید د خپلې تذکرې یا اعتبار لرونکي پاسپورټ کاپي او اضافي کاپيانې وړاندې کړي.
• د آلمان د اقامت مدرک: غوښتونکي باید د خپل پیژندپاڼې (Personalausweis) کاپي [نمونه] (دواړه خواوې – چې نوم او پته وښيي) وړاندې کړي.
• حمایتي لیک یا ایمیل: غوښتونکي باید له اړوند چارواکو څخه یو لیک یا ایمیل وړاندې کړي چې پکې د جرمي مسؤلیت د نشتوالي سند غوښتنه شوې وي.
• د ګوتو نښان: غوښتونکي باید د ځانګړې فورمې پر اساس خپل د ګوتو نښانونه ثبت کړي. دا نښانونه یا د پولیسو رسمي اداره یا د قونسلګرۍ کارکوونکي ثبتولای شي. [Download the Fingerprint Form here].
• د مخکینۍ تادیې ثبت شوې لفافه: یو مخکینۍ تادیه شوې ثبت شوې لفافه چې ستاسو د پته سره په واضحه توګه د ترلاسه کوونکي په توګه وړاندې کړئ. دا لفافه به د اسنادو د لیږلو لپاره کارول کېږي. که چیرې تاسو له مخکینۍ تادیې لفافه نلری، د پوستې خدماتو لپاره ۸ یورو اضافه ورکړئ او رسید یې د غوښتنلیک سره ضمیمه کړئ.